André Crous is nog een van die jong brigade en word eersdaags 22 jaar oud.
Hy woon en werk in George, by JLM Maintenance, en hulle is (natuurlik!) in die motor herstelwerk bedryf.
André het soos so baie ander betrokke geraak by stockcars deur sy pa, wie van 1997 tot 2000 gery het, toe begin hy in Mei 2003 in die development klas.
Intussen het hy gevorder en het al wye ervaring opgedoen in 1660's, Hotrods, Classic V8's en Modified V8's.
Sy eerste race ervarings was maar vol senuwees, en hy sê dit is maar nog altyd daar!
Ovaalbaan renne is die enigste vorm van motorsport waaraan hy nog deelgeneem het. Benewens dit ry hy graag Quads vir ontspanning.
Hy wil graag erkenning gee vir hulp aan JLM Maintenance, Northern Area Driving School, sy familie, Clive en Vicki Meyer, en sy meisie, Chére Dawson.
Ry jy met 'n sterk wenmotief of vir pure genot?: “Ek like on te wen, maar ry vir pure genot, hou daarvan om heel agter weg te trek en my pad na voor te vind.”
En soos baie ander het hy sterk aspirasies vir ‘n SA nommer!